મુક્તાષ્ટક

 મુક્તાષ્ટક

ભાળું આજે અતિ-મને; વ્યાપુ સઘળે સ્થાન, 

વિચરું વ્યોમે હરપળે; ભૂલી બુદ્ધિ ભાન . (૧)

આલ્હાદક શીતળ ઘણો; અનુભવ દિવ્ય સુજાણ, 

કેન્દ્રે જોઉં સમષ્ટિ ને; ગૌરીપટ્ટ ના જાણ (૨)

ઘટ-આકાશે એક હું; નવદીસે બીજું ત્યાંય, 

સર્વત્રે વ્યાપી બધું; બિંદુ માં સમાય (૩)

નભ-રેવા એ પર્વતે, સ્થાવર-જંગમ માંહ્ય, 

જડ-ચેતન તત્વો બધા, મન સમંદરે હાય.(૪)

કોટી આનંદ વ્યાપ્ત ને, અવિરત પ્રેમ ઝરે,

ચિત્તશાંતિ પ્રસરી બધે, સંતોષ અખંડ ઠરે (૫)

માયા પિંજર તોડીને; ઉડયું ખેંચર જ્યમ,

મુક્તાનંદ પામી ઘણો; સ્થિરચિત્ત પણ તેમ (૬)

'ક'નાથ ના નાથે કરી ,દ્રષ્ટિ જ્યાં પળવાર,

ભેદી ભવસાગર તણો, દુર્ગમ બેડીપાર (૭)

- કપિલ શેલત

તારીખ ૧/૩/૨૧, સોમવાર,મહા વદ બીજ. આણંદ,ગુજરાત.

Shree Guru Pratahsmaran

શ્રીગુરુ પ્રાતઃ સ્મરણ

પંચમી સહુ મુદ્રા સહિત ; ધ્યાન પદ્મ પરાગ,

પુજી 'લં' ઇત્યાદિ થી ; સ્મરી શ્રી મન્નાથ, (૧)

બેસી બ્રહ્મવેલા થકી ;ચિંતી ગુરુત્રય ધ્યાન; 

સ્મરી દિવ્ય,સિદ્ધોધ; માનવોધ પ્રધાન .(૨)

માનસ પૂજન ગુરુ તણું ; કરવું જાણી માન, 

એકાગ્ર ચિત્તે ધરી; ગુરૂપાદુકા ધ્યાન (૩)

આપ્લાવીત રસ-સ્નિઘ થી; વર્ષા અમૃત જેમ; 

ગુરુકૃપા એ પામશે; પરબ્રહ્મ પણ એમ.(૪)

થતાં દર્શન પરતત્વ નું ; બાકી શું જગ માંહ્ય, 

સ્વયં શંભુ તત્વે ચરે ;ઘટ-આકાશે ત્યાંય .(૫)

તેથી નિત્યાભ્યાસ થકી ; કરવું સદગુરુ ધ્યાન, 

કૃપા પામતા દેવ ની; સઘળે વિદ્યમાન . (૬)

સુણી અંતર ના ઓરડે ; રચી પંક્તિ પણ એમ,

 'ક' નાથ ના નાથે કરી,તત્વ સ્ફૂરણા જેમ.(૭)

રચના : કપિલ શેલત ,અક્ષય તૃતીયા,રવિવાર, ૨૬/૪/૨૦૨૦